Nagpahayag ng pagkadismaya si Rita Avila sa TV host na si Boy Abunda sa kanyang one-on-one interview kamakailan kay presidential aspirant Vice President Leni Robredo.

Tila hindi sinang-ayunan ng aktres ang paraan ng pagsasagawa ng panayam ni Abunda dahil sinabi niya sa kanyang Facebook post kahapon, Enero 26, na patuloy na “pinutol” ng host ang mga sagot ni Robredo.

“Mr. Boy Abunda, I love you but I feel something heavy while you were talking to VP Leni. You keep on cutting her and you act like you are against what she is saying,” ani ni Avila.

Idinagdag ni Avila, isang vocal supporter ni Robredo, na inisip niya na si Abunda ay mas “magalang” at “disente” sa kanyang mga naunang panayam sa presidential aspirant kina Sen. Panfilo “Ping” Lacson at dating senador Ferdinand “Bongbong” Marcos Jr.

Pagkatapos ay ipinakita ni Avila ang mga komento ng mga netizens na nadismaya rin sa panayam, sa pamamagitan ng kanyang Instagram page, kahapon din.

Pagkatapos ay nilinaw ni Avila na hindi niya tinatawag si Abunda bastos bagkus ay nagpapakita lamang siya ng sentimyento ng mga netizen na hindi natuwa sa panayam.

Ang one-on-one interview ni Abunda kay Robredo ay bahagi ng kanyang serye ng mga panayam sa limang presidential aspirants sa May 2022 presidential elections.