MANILA, Philippines — Depensa ni Senate President Vicente Sotto III nitong Miyerkules ang kanyang presidential running mate na si Senator Panfilo Lacson at pinabulaanan ang sinabi ni Vice President Leni Robredo laban sa dating Philippine National Police (PNP) chief.

Sinabi ito ni Robredo sa isang “political fast talk” kasama ang talk show host na si Boy Abunda noong 2022 Presidential One-On-One Interviews nang tanungin kung bakit hindi dapat iboto ng mga Pilipino si Lacson.

Si Lacson mismo ang hindi tumanggap sa pahayag ni Robredo.

Binigyang diin ni Sotto, sa isang tweet, ang mga nagawa ni Lacson sa panunungkulan ng huli bilang hepe ng PNP at ang kanyang tungkulin sa pagsusuri sa pambansang badyet sa Senado, bukod sa iba pa.

“Yun palang pinatino ang PNP, nilabanan ang korapsyon sa pera ng bayan at 18 taon na maraming mahalagang batas na inakda ay walang ginawa! Aba, bago yun ah!” sabi ng Senate president.